...
...

" تجول فى الموقع لمدة نصف ساعة وبعدها مبروك لقد تم تحديث مخك بنجاح ... ولحماية مخك ضد الفيروسات و برامج التجسس بجدار نارى تجول لمدة ساعتين ... سوف تجد كل ما يسرك وما تحتاجه وكل ما هو جديد ومفيد وممتع " ... للتسجيل فى الموقع : هــنـا ... للتواصل معنا : هـــنــا
...

معاكسة البنات للأولاد .. أين الحياء ؟

.
هذا الموضوع له علاقة بقسم : للنساء فقط ، ثقافة لذيذة



فى الأفلام القديمة الأبيض والأسود وفى حواديت أمهاتنا كانت المعاكسة نوعا من فن التعبير عن الإعجاب .. أما دلوقتي فهي نوع من أنواع الغتاتة والتناحة والتريقة على عباد الله وبقت أنواعاً كثيرة منها معاكسات الشارع ومعاكسات المواصلات ومعاكسات التليفون ومعاكسات حتى على مستوى النت فى الشات أو أي مكان ولو المدونات الشخصية ..




ولو ده حصل من الشباب بس ذكور يعنى يبقى عادى هنقول تطور وتهور ومعلشى البنت هي اللى لابسة لبس مستفز أو ماشية مشية مستفزة .. أو حتى جمالها مستفز .. لكن ان البنات كمان يدخلوا سباق المعاكسة ده اللى ما كنتش أتخيل إني أشوفه .. سمعت عنه لكن لما شفته ازبهليت ! آه والله حصل البنات بقوا يعاكسوا الشباب برضه وبطرق مبتكرة وبينجحوا كمان حظ مبتدئين بأه ! يعنى بطرق تقليدية أثرية زى يا جميل وأيه الحلاوة دي والهبل ده .. لأ بقى نظام معاكسة محترف مدروس لأنه مش معاكسة وخلاص لأ بتبقي دراسة كمان .. إن كيدهن عظيم فعلا ...




كنت راكبة ميكروباص وقدامي شابين بيتكلموا فى تحليل إحدى لوحات واحد منهم وجنبي بنتين .. فضل (البنتين) يهمسوا لبعض ويضحكوا ضحك مريب وبعدين واحدة شاورت للتانية بصوابعها زى المخرجين كده تلاتة اتنين واحد GO .. قامت الأولى خبطت أيدها فى كتف شاب منهم وقال إيه سورى معلشى .. مالحقشى يجاوب قالتله الحق اللى وقع منك .. الراجل ما خدش ولا أدى لان على رجله ورق كتير نزل بدماغه يدور على اللى وقع منه ولما رجع من رحلته كانوا منفجرين فى الضحك (البنتين) طبعاً الشابين الأمامير عجبهم الدور وقرر الجميع التعارف والعبدة لله مزبهلة ..

ليه ما أعرفشي فكرت وأنا بهرب فى النظرمن الشباك أن الكون أحواله اتقلبت فعلاً لأن الحركات دى كانت بتتعمل فى البنات مش العكس .


لا أجد ما أقول غير لا حول ولا قوة إلا بالله .. الله يرحم الحياء الله يرحم الكسوف .. اللهم اهدى شباب وبنات المسلمين ونور عقلهم بالعلم وقلبهم بالإيمان

بقلم / هدى عبد القادر


هل أعجبك الموضوع ..؟ هل استفدت منه ..؟ هل تتفق أو تختلف مع محتواه من وجهة نظرك ..؟ ننتظر منك تعليقك هنا أسفل الموضوع

Share/Bookmark

هناك 4 تعليقات:

  1. شكرا ع الموضوع الرائع

    فعلا المعاكسات كثرت اليومين دول كثييير

    ربنا يهدي الجميع

    ردحذف
  2. غير معرف27 نوفمبر, 2010

    ما في حياء ابدا بجد دنيا اخر زمن.....مشكوره

    ردحذف
  3. غير معرف08 أبريل, 2011

    أصلهم ماشيين بمبدأ البنت زي الولد

    ردحذف
  4. غير معرف05 أغسطس, 2012

    العيب ليس على البنت فقط ولكن على الشباب ايضا

    ردحذف

تعليقك سيظهر مباشرة بعد مراجعته :